بجلی کے نرخوں میں کمی، نومبر سے عمل درآمد

کھٹمنڈو: الیکٹرسٹی ریگولیٹری کمیشن (ERC) نے بجلی کے لیے نئے ٹیرف کی شرح مقرر کی ہے۔ کمیشن نے نیپال الیکٹرسٹی اتھارٹی کی سفارش پر بجلی کی قیمتوں میں کمی کرنے کا فیصلہ لیا ہے. جس پرعمل منسیر مہینہ کے بجلی بل سے ہوگا. 

بجلی کے نئے ریٹ کے مطابق 5 ایمپیئر والےصارفین کے ماہانہ 20 یونٹ تک بجلی استعمال کرنے پر انرجی فیس نہیں لی جائے گی جبکہ کم از کم ماہانہ فیس صرف 30 روپے مقرر کی گئی ہے۔

سنگل فیز سے 151 سے 250 یونٹ بجلی استعمال کرنے والے صارفین کے لیے انرجی چارجز 50 پیسے کم کر کے 9 روپے 50 پیسے فی یونٹ کر دیے گئے ہیں۔

400 یونٹ سے زیادہ استعمال کرنے والے صارفین کے لیے انرجی چارج 1 روپے فی یونٹ کم کر کے 11 روپے کر دیا گیا ہے۔

تھری فیز میٹرز استعمال کرنے والے صارفین کے لیے کم از کم فیس یکساں رکھی گئی ہے اور بارش کے موسم اور سردیوں میں توانائی کی فیس مختلف طریقے سے مقرر کی گئی ہے۔ ماہانہ 400 یونٹ تک بجلی استعمال کرنے والے تھری فیز صارفین سے فی الحال 11.50 روپے فی یونٹ چارج کیا جاتا ہے لیکن اب بارش کے موسم میں یہ 10.50 روپے اور سردیوں میں 11.50 روپے ہو گی۔ 400 یونٹ سے زیادہ استعمال کرنے والے صارفین کے لیے موجودہ 12 روپے فی یونٹ انرجی چارج کو بارش کے موسم میں 10.50 روپے اور سردیوں میں 11.50 روپے کرنے کی تجویز ہے۔

کمیشن نے کہا ہے کہ ٹیوب ویل چلانے والے صارفین اور آبپاشی کے صارفین کے لیے موجودہ قیمت میں 40.69 فیصد کمی کی گئی ہے۔ نئے ریٹ کے مطابق صنعتی صارفین کے لیے ڈیمانڈ فیس میں اضافہ کیا گیا ہے اور جن کے پاس ٹائم آف ڈے (ٹی او ڈی) میٹر ہیں اور آف پیک (11 بجے سے صبح 5 بجے تک) کے لیے انرجی چارج کو کم کر دیا گیا ہے۔